Friday, December 4, 2009

broadsheet

habang nagpapalipas ng oras kanina sa casa, naisipan kong buklatin ang isang broadsheet sa aking harapan. nagkataon naman na nasa ibabaw ang society pages kaya ito ang una kong kinuha. di ko ine-expect na pagbukas ko pa lang ay makikita ko ang isang larawang magpapaalala ng mga pangyayari tatlong taon na ang nakalipas.

***

bente-kwatro pa lang ako 'nun at trentay-dos naman siya. nagkakilala kami sa isang bar sa makati ng minsang sumama ako sa ilang kaibigan sa kanilang quiz night. gwapo, matangkad at maganda ang pangangatawan kaya naman madali ko siyang napansin. bukod pa diyan, member siya ng isang team na kasali sa quiz night. perfect, sabi ko sa sarili ko.

nagkataon naman na kilala siya ng isa sa aking mga kaibigan kay na-introduce kami sa isa't isa. nagtanguan kami at ayos na sa akin 'yun. sa hitsura pa lang niya, alam kong mahirap abutin ang kanyang level.

pero sa hindi inaasahang pangyayari, nakuha ko ang pansin niya. 'nung magkaroon ng audience participation ay ako ang itinuro ng aking mga kakilala. inihanda ko ang sarili sa tanong ng emcee.

who is the only british prime minister without a wife?

nagulat ako sapagkat hindi ko masyadong kabisado ang history ng britanya. gayunpaman, pinilit kong mag-isip. teka, mukhang trick question to, sabi ko sa sarili ko. 'yun ang isa sa pambato ko, medyo matalas ang analysis sa mga bagay-bagay.

margaret thatcher, kampante kong sagot.

napansin ko na lamang na nakatingin siya sa akin habang nakangiti. marahil naisip niyang hindi naman pala talaga ganoon kahirap ang tanong. tumango siya at nagtaas ng kanyang wine glass.

lumapit siya sa akin ng matapos ang contest. nakipagkwentuhan tungkol sa ilang mga bagay-bagay. marami kaming napag-usapan sa maikling panahon ng aming pag-uusap. nalaman ko na galing siya sa pamilyang ang linya ay nasa real estate at wala sa pilipinas ang kanyang mga magulang. sa makati siya nakatira pero tuwing weekend ay dumadalaw sa kanyang lola na nakatira sa wack-wack. at isa siyang triathlete kaya pala talagang maganda ang kanyang pangangatawan.

lampas hatinggabi na nang inaya niya kong sumama sa kanyang tirahan. type ko kaya naman hindi na ko tumanggi. subalit sa pagpayag ko palang 'yon, may mas malaking bagay pa akong matutuklasan tungkol sa kanyang pagkatao.

pumasok kami sa isang building na malapit sa ayala avenue. nagulat ako sapagkat alam kong hindi residential ang gusali na 'yon. sumaludo pa sa kanya ang dalawang gwardya 'nung dumaan kami.

pagpasok sa elevator, nakita kong pinindot niya ang "p". may penthouse ang building at doon kami pupunta.

maganda ang tanawin sa penthouse niya sapagkat napapalibutan ito ng salamin. mula sa taas ay kita mo ang maningning na ilaw sa mga gusali ng makati. habang nakatingin ako sa labas, naramdaman ko na lamang ang pagyakap niya mula sa aking likuran. tinamnan niya ng mga munting halik ang aking batok. unti-unti na rin akong nadadala sa kanya at naramdaman niya ang aking pangininig.

unti-unti ay hinila niya ko sa kanyang kwarto. sa aming pagpasok, doon sa malapad na dingding ay nakita kong nakasabit ang isang malaking painting. nakasulat ang kanyang pangalan at sa ilalim nito ay ang mga sumusunod: president and chief executive officer, ****** group of companies.

nalula ako sa aking nalaman. hindi lang pala siya basta miyembro ng pamilyang nakalinya sa real estate. siya ang nagpapalakad ng kanilang kumpanya at siya rin ang nagmamay-ari ng building na kung saan ay naroon ako ngayon. hindi ko alam kung paano magre-react.

nais ko sanang magsalita pa subalit huli na dahil unti-unti na niyang isinara ang pintuan.

***

thirty-five na siya ngayon. hindi pa rin nagbabago ang kanyang hitsura.

8 comments:

  1. naks. big time ang mga nahuhuling isda. =)

    ReplyDelete
  2. wow, parang julia roberts - richard gere! haylavet! :)

    ReplyDelete
  3. kung makakapunta ka ulit sa kuwarto niya, mapapansin mong napalitan na ang painting....

    wedding picture na namin ang nakasabit dun hahahaha

    echoz

    ReplyDelete
  4. haha parang kilala ko siya lol

    ReplyDelete
  5. guys, parang pelikula lang 'di ba? hehehe!

    @xtian, you may recognize him. ang dami ko ng binigay na clue kaya. ;)

    ReplyDelete